Musik

Ek glöiv, ek bruuk dor nich met achtern Baarch houl'n, dat de Musik fo mi eine besonnere Rull'n speel'n dait. 'n Leeb'n oon Musik is fo mi kein Leeb'n! Ober handgemookt mutt se ween!

 

 

 

Ek mach jede Oart von Musik, se mutt blous gout ween: Diverse(s) .Un de ek afbild hebb, garantiert dorfo.  Dor is David Clayton-Thomas, Spooky Tooth, John Hiatt, Rory Block, David Keyes, Kenny Neal, Billy Branch´, Joss Stone, Solomon Burke, Claudia Bettinaglio un veele annere dorbi

 

 

As Willy DeVille in de 70er Joar'n anfüng, Musik to mook'n, weer ek sin gröttster Fän un ek hebb woll 25 Konzerte von em besoch.

 

 

De Nevertoolate hebbt mi obertüücht, dat man goute Musik mook'n kann, wenn man keine 20 meer is. Se stellt unner Bewiis, dat dat "noch nich to loot" is.

 

 

Inga Rumpf kennt man noch von fröier, as se in de 70er Joar'n met Frumpy Musik mookt hedd. Se kann dat jümmer noch.

 

 

Pitchback is nich blous wat fo de Ouern, sonnern out wat fo de Oug'n. Dat is wi ut ein Guss. Wenn de speelt, denn gait dat richtich af un wenn du Angela sing'n hörs, flüch di de Droot ut de Mütz'n. Also nix wi hen!

https://pitchback.eu

 

 

Wer den Blues mach, de mutt unbedingt sek den Abi Wallenstein anhör'n. Und wenn denn noch Steve Baker op sine Harp speelt, gait de Post af und du glöivs, de baid'n koomt direkt ut New Orleans. Ek glöiv in sine Girarre von Abi hedd ouk al mool'n Alligator beet'n!

 

 

Ok wenn ek süls mool met de Coolbreeze Musik mookt hebb, stell ek keine Biller von Coolbreeze in. De Grund is bekannt.

 

 

Heinz Tödtmann