Refr.: Klopp, klopp, klopp, klopp Schenkelchen
Opa hett nu Enkelchen.
Oma freut sik nu tweemool ,
wenn se koomt und wenn se goht.
Kopp, klopp……..

1. Wat hett dat bloß so lange, so lange mit jo duert.
Wat hebb ik veele Dooge op Enkel jümmer luert.
Ik dachte use Kinner, de hebbt dat nie probeert.
Denn in’e Schoole hebbt se sowat jo gor nicht lehrt.

2. Und is dat Wicht geboren, so lüttjet wie ne Katt,
ganz falterig und quarkig, de Boxen jümmer natt.
Keen Hoor an Kopp, ne Glatze, keen Tähne in’e Schnut.
De süht wie use Opa, so wie een Ohlen ut.

3. Se wasst nu gau, köönt loopen, de lüttje Erdenwicht,
und schnaken „Oma,Opa“, sowat vergisst du nicht.
Se danzt wie malle Kalber op ehre korten Been,
mit Juchen und mit Lachen, wie is dat doch so schön.

4. Und sitt de lüttje Bödel op Omas Schoot to’n Schmusen,
mookt Oma „kiele, kiele“ , wie Oopen bi’n Lusen.
De beiden singt und schaukelt, denn „hoppe,hoppe Reiter.“
De Enkel jucht und hampelt und schreet: „ Oma mach weiter!“

5. De Welt do ik jem wiesen, den Goorn und bunte Bloom.
De Pussy und de Spatzen, den Moond und Eekenboom.
De Wulken und den Regen, vertell jem ut mien Leben.
Denn falt wie use Hänne und kiekt in grooten Heben.

6. In Kinneroogen kieken, so kloor und rein, vertroot.
Dat is de grötste Freude und gifft mi jümmer Mood.
Dat is nu just dat Schöne, dat’t lüttje Kinner gifft.
So levt de Minschheit wieter und so am Leben blifft.