Iis'nboonunglück

An 1. Juni 1912 hedd dat op'n Exoff 'n "swoart Iis'nboonunglück" geeb'n. 250 Meter von Boonhoff Exoff is de Pesoun'nzuch Nr. 887 in eine Kurw'n achter Hannouber sin Grundstück entglaist. Disse Zuch haar um 1 Uhr 42 Minuten de Statschoun Leiss veloot'n. De Lokomoltiw'n un de Boonpostwoog'N leig'n neben den Boondamm. Twei annere Woogen weer woll entglaist oder se bleib'n stoon. De Vorderwand von dat Afdeil fo de Frounslüer weer indrückt. 

De Lokfüürer un de Haizer hebbt sich oarich vejoocht, se konn'n ober ut de Lokomotiw'n ruutkladdern. Allerdings de Boonpostschaffner Mackeben haar ne Gehirnereschütterung. Twei Dokters ut Brink'n weern sofort dor un hebbt sek um em kümmert. He köim ober bold wo to sek un so konn he um Klock veer no Bremen wiiterföiern. In Afdeil fo de Frounslüer haarn eine Frou un ein Kind blous 'n beet'n wat afkreeg'n. Man kann von Glück seig'n, dat dor nich meer pesseert is. De Lokfüürer haar wail de Boonhof al in Sich weer, sin Zuch al 'n beet'n afbremst, sonst weer dat Ungllück viilich veel slimmer wurn.

De Regierungsbaumaister Müller ut Ollenborch weer bold met Meschiin'n un Fachlüer dor un hedd sek um dat Oprüüm'n kümmert. Aal Züüch köim'n to loot. Ers an nächsten Dach föiert die Züüch wo no Ploon. De Lokomotiw'n leich noch in Boongrooben, de Woogens haar man ober wechbroch.

Wat weer nu de Ursook fo dat Unglück? Man hedd dat unnersoch un fassstellt, dat dor einer eine Koppschruub'n in eine Fuuch von dat Glais steek'n hedd. Un disse einfache Schruub'n hedd den Zuch to'n Entglais'n broch. Wer dat ober ween is, hedd man ni ruutkreeg'n.