Lausen (Riemels)

 

Von de schöön'n Jebeler Fuuhrn
Deit dat nun nich lang'n mehr duum,
Koomt wi dor in schöne Wischen.
Langsom löppt de Hach dortwüschen.
De schöne Hach, jo dat is wohr,
Se is vondoog noch hell un kloor.


Wi koomt no Lausen, dor is dat schöön,
Dor kann man den olen Spieker sehn.
Veel Luer hebbt sik dor boot en Huus,
Wo loterhen de Bohn dörbruß.
Buurn un all de annern Luer
Hoolt tohoop as Pick un Teer.


De Schützen, Füürwehr un Spoort,
Sünd dorbi wenn dat in'n Oort,
Irgendwat to fiem gifft.
Jem dat denn tohoop'e drifft.
De Noberschupp schrift man dor groot.
Dat geiht de Luer dor bannig goot.


Ok en Karken hett man boot.
Dor weer't de Ehepoore troot.
Mannigmol man inkehrn kann
Wenn dor snackt de Gottesmann.
In de schöne grote School,
Gooht veele Kinner dor an Toohl.


Wenn ok de Bohn dor wieterföhrt
De man öwerall jo hört,
So bliewt de Minschen wat se sünd,
Wiel se dat Lewen meistern künt.
Sünd jummer froh in Feld un Fluur.
Dat liggt de Lauser in'e Natur.

 

Heinz Tödtmann