Inner Fast'ntiit heit dat in de Geegend von Kaakwai jimmer "Tosoomen smitt'n". Denn hedd man fo de Spinnköppels Hedwigs koff un de Buern hebbt denn 'n gout'n Kaffi bistüert. In de Geegend von Gödesdorp un Wach'ndorp hett man sogoar Fastloog'n fiert un dat ganze mit danz'n un Kaffi drink'n 'n beet'n duller dreeb'n. Un dör is dat hier un dor ouk vokoom'n, dat'n jung'n Kerl mit'n Perd inne Gasstuub'n oder inne Köök'n rean is. Dorbi hett dat natürlich ouk mool 'n Unfall geeb'n un so hett sik soun Blödsinn up Duer nich houl'n.