De Schiet

Refr.: Den Schiet willt wi hier gor nicht hebben,
de Schiet vor use groote Dör.
Dat Gift mookt us bloß starbenskrank,
de Schweinerei kummt hier nicht her.

1. Wat schmiet de Minschen alle weg, dat nennt man denn so Müll.
De Lüde wirt so Mülljonär, weil’t keener hebben will.
Een Riesen-Müllbarg vor de Stadt, de Rotten koomt und Krein.
In dusend Johrn de Archologen an Grooben und an Klei’n.

2. Een jeder will sein Auto föhrn mit Autobohn dorto.
Dat mookt Schandool, de Utpuff Gift und stinkt ok sowieso.
Und ward ne ne’e Stooten boot, denn gift dat Stiet, Gebrüll,
weil keener Krach und Stinkeree vor’n Finster hebben will.

3. Und Noobers Pudel loppt vergnögt in dienen Goorn und Schitt.
Du bolkst: „ Verdammte Schweinehund, dat stinkt, i gitt i gitt !“
Du rikelst nu di allens in mit Droht ut engen Maschen.
Keen Hund schitt mehr in dienen Goorn, he strullt nu dör de Maschen.

4. De grooten Pilze ut Beton, de Meiler vull Atom.
Dor mookt Konzerne Masse Geld ut Strohlung denn den Strom.
De Müll dorvon, de strohlt di dood, dat kannst mi ruhig glöben.
Bit de Atome nicht mehr strohlt, dor op kannst lange töben.

5. Wat weer dat fröher doch so schön, de Messhoop for de Dör.
De Landluft mök nicht krank und dood, weil de nicht giftig weer.
De Minschen levten mit Natur, de Mess de beste Dünger.
Vondooge sind de Umweltsünder ganz schlimme Stinkefinger.

Heinz Tödtmann