Smitt

Wi wichtich Smeerlüer fo use Gegend wees'n sind, kann man doran sein, dat 1790, as op'n Exoff 40 Siidler sek hier ansiidelt hebbt, allein 5 Smeerlüer dorbi weern. Un dat nich blous wail man mit Peer un Wog'n dat Land bestell'n moss, sondern wail de grouten Hannelsweech von Bremen no Osnobrück un wiiter dör use Gegend güng'n  un wail de swoar'n Fohrtüch fok'n steek'n bleeb'n. Schuld doran weer de sleche Toustand von de Strootens. Ob dat dröich oder natt weer, fo de maisten Fohrtüüch weer ersmol de Fohrt to Enn. Un sou hedd sek manch einer'n beeten wat toverdeint, indem he sin eigen Peer ouk noch vorspann'n dö. Un denn weer dat jo ouk noch de Tiit, wo man dör den Hoob'n in Bremen meer un meer inföhrt hedd un dat moss jo nu ouk verdeilt weern in Düütschland. Un so hebbt veele dat woarnoom'n un sek as Fohrlüer andeint. Woog'ns güng'n twai, Peer moss'n besloog'n weern, fo Smeerlüer geev dat ne masse to doun.

Wilhelm Tödtmann bi sine Abait

Heinz Tödtmann