De Hochtiit

Anfang'n dait dat dormit, dat man sik kenn'nlernt. De Öllern meit inverstoon ween, am besst'n is dat, wenn de Bruut ouk wat an de Hack'n hett, de Mitgiff mutt up jed'n Fall reck'n, wail jo ouk neie Last'n mit ein Hochtiit in't Huus koomt.Wail blous einer den Hoff aab'n kann, möit de annern Geschwister utbetoolt weern, de Öllern koomt up Oulendeil. De Bruut mutt er Utstüer tosoompack'n, bi de Kaak'n mut de Hochtiit anmellt weern, Bruutkleid mutt in Updrach geben weern, Bruutschou möit koff weern, Hochtiitsbitter un Muskant'n möit bestellt weern, de Bistänn möit froocht weern, de Holt- un Tüüchwoogen mutt de Ütstüer bring'n un dat Huus von Brögamm met inricht un up Schuss broch weern. Ein Dach vo den Hochtiitsdach is Pulterobend un am neichsten Dach de Hochtiitsfier. Ouk an dissen Dach gifft noch veel to bedenk'n: Schatten, Bruutdanz, Bruutschou, Bruutstruus, Slaierdanz, Bruut entföern.

 

Vo de Hochtiit meit de Gäst inladd weern. Dat möik de Hochtiitsbitter.

Heinz Tödtmann