Sommertiet

1. Jedet Johr, wenn de Sünn an’n höchsten steiht,
wenn dat Licht mookt hell de Dunkelheit.
Und de Wind so öber’n Roggen weiht,
und de blauen Koornbloom dorin bleuht.
Ach wie schön is dat und us erfreut.

2. Use Steffen hoch in’n Kirschboom sitt
und de söten Kirschen gierig itt.
Kooter Fritzi in de Bohnen schitt,
Merle nu de riepen Arfken plückt.
Hille Disch und Huus mit Bloomen schmückt.

3. Dicke Wepschen brummt mi um den Kopp,
freet de Sohne-Kirschen-Torte op.
Bin vergrellt und hau mit’n Tuffel rop.
Susi seggt: „ Wees still und loot den Quatsch!“
Is to loot, de Torte is nu Matsch.

4. Lüttje Kinner board an’n Werserstrand.
Ehre Mamas leegt in’n witten Sand,
bloß Bikini um den Mors und Titt,
ehre Huut all bruun und glatt und fit,
lacht und jucht und singt den neesten Hit.

Heinz Tödtmann