Amtsdüütsch

Ek weit nich wi diine Meinung is, ek finn, dat Plattdüütsch de schöinste Sprook is. Un dorno kummt ersmool gornix. Ers denn kummt dat Houchdüütsche un denn aal annern Sprook'n wi Engliscg, Franzöisisch, Spoonisch, Russisch, Chinesisch, einfach aals wat up de Er snackt wat. Welke Sprook ek up'n Dout nich uutstoon kann is dat Amtdüütsch. De disse Sprook sek utdacht hebbt, hebbt aal tohoup ern Kopp blous desweg'n up'n Haals, dormit dat nich rinreeg'n dait. Un dormit du verstais, wat ek mein, geev ek di hier littsch'n Vogesmack:

 

modulare Etagenbegehungshilfe - Foarstoul

raufutterverzehrende Großvieheinheit - Kou

Diebstahlssicherungsvorrichtung - Slott

Erholzeitfläche - Paak

nicht lebende Einfriedigung - Tuun

Beelterung - wenn ein Kind to Pleegeöllern kummt

Lebensberechtigungsbescheinigung - Stammbouk

 

man kann gornich uphörn: Steuerbarkeit, Anleiterbarkeit, Betriebsmittelaufnahme, Lautraum, Versagung, Schließzange, Bestallung usw. usw.

 

Sou veel kann ein doch gornich suup'n, dat em souwat infall'n dait. Ober viilich hebbt de sek in er Amtzimmer insloot'n un sou richtich bekifft. Mach ween, dat dat de Ursook ween is.

Heinz Tödtmann