Utstüe

Fiert hett man de Hochtiit  dor wo de  Brögamm tohuus weer, maistens up'n Freidach. In den lesten Week'n fo de Hochtiit har de Bruut veel mit er Utstüer to doun. Dat Prunkstück weer dat Linnenschapp. Dat Linnenschapp weer schöin verziirt, wat utsei wi'ne stroolende Sünn. In ditt Schapp hett man aal dat Linnen rinnpackt, wat man süls weeft un spunn'n har. To dat Linnenschapp köimen mais noch ne True, ne Richtebank un annere Eik'nmöb'n mit schöin'n Verziirungen, Jooreszool'n un Noomen. Dat wur 'n poar Dooch vo de Hochtiit aal up'n "Holt- un Tüüchwoog'n" packt un no dat Huus von den Brögamm broch.Hier un doar dett man disse Woog'ns ouk Bruutkiss'n nennt, wail de ganse Utstüer vonne Bruut up'n Woog'n latt weer. Den Transport obernöim'n de Noobers von de Bruut. Aals wur schöin mit roen Bännern bunt mookt, sougor de Piitsch'n von de Fouerlüe weern bunt. Wenn se denn anköim up den Hoff von den Brögamm, denn geiv dat erstmool n'grout Schandool. Un fooken har man noch'n poar Kneep in Kopp un göit Wooter unner de Woog'ns: "Watt ji dor bingt, hett jo'n Leck!" Ober wenn denn de Brammin utgeeben weer, weer dat wo allns inne Reich.

 

Heinz Tödtmann