De Näse

1. Wie ik dat an de witte Näse seh,
stickst du se in de Torte und Bisee.
Bist bloß an Schlickern, Eeten um di to,
kannst nicht mehr sehn de Spitzen von dien Schoh.
De Plünn to eng, de Knooken doot di weh.
Ne Lust und Last is disse Freeterree.

2. Wie ik dat an de blaue Näse seh,
du stinkst no Qualm und wie’n doodet Reh.
So wie een Schosteen qualmst du, hebb ik sehn.
Bist bloß an Hoosten, geele Kluten speen.
De Lung is twei, nu Help, oh jeminee.
Ne Lust und Last is disse Schmökeree.

3. Wie ik dat an de Knollennäse seh,
drinkst du Jamaika-Rum in Sohne-Tee.
Du Pharisäer glövst, dat markt keen Kind,
weil all de annern jo de Dummen sind.
Wie bist du klooterig, wenn ik di seh.
Ne Lust und Last is disse Superee.

4. Wie ik dat an dien neeschier Näse seh,
stickst du se rin in jedet Separee
Du Klookschieter, du meenst, dat du’t versteihst.
Mookst bloß de Lüd rebellsch und allns verdeihst.
Foot di mool sülfs an diene Schnüffelnäs,
de is so hochnäsig und stinkt no Käs.
Do, wat du nicht looten kannst, wenn du mit den Dübel danzt.

Heinz Tödtmann