Keen Tiet

1. Mien oolen Fründ hebb ik all lange nicht mehr schnackt und sehn.
Dor denk ik mi in Stillen, dor föhrst mool henn, dat weer doch schön,
mit em no langer Tiet to schnacken öber all de Johrn,
de wi belevt to Hus in Dörp und Holt und Feld und Goorn.
Ref.: Und du seggst to mi. „ Ik heff for di keen Tiet”
Und ik segg to di: „ Dat is doch reinweg Schiet!“

2. As lüttjen Bödel wull ik Football mool mit Vadder speeln,
in Harvst mit een kaputten Ball op use groote Deeln.
Und Vadder weer im Stall an Messen, Streun und luud am Stöhn.
Vondooge hör ik’t noch: „ Du hest woll Rotten op’n Böhn!“
Ref.: Und he bolkt to mi: „ Ik heff for di keen Tiet!”
Und de Troonen keemen : „ Dat is doch reinweg Schiet!“

3. Mit Auto jogt ik eenmool gegen grooten Eekenboom.
Dat knallde fürcherlich und dachte all, dat weer een Droom.
Dat Blood leep mi von Kopp und Been, mi ging dat gor nicht good.
Ganz deep in miene bangen Oogen, dor keek de schwarte Dood.
Ref.: Und de seggt to mi. „ Ik heff for di keen Tiet!“
Und ik segg to ehm: „ Man good, dat hett noch Tiet!“

4. Een jeder is an Wöhlen, Jachtern no dat leve Geld.
„Keen Tiet for Leevde ,Freeden for de Minschen op de Welt!“
Doch wenn de Klocke schleiht, denn ist’t to loot, denn liggst bito,
is allns vorbi hier op de Eehr, du hest dien ewig Ruh!
Ref.. Und nu is vorbi de Tiet, nu ist’t sowiet,
und de Kasten to und du hest jümmer Tiet!

Heinz Tödtmann