Kriegsende - Erinnerungen von Hermann Tietjen

An den 17. April 1945 kann ek mi noch gout erinnern. Mehrere Dooch lang hebbt wi dat Donnern von de Geschütze hört. An'n 16. April weern de Tommiis al in Seek'nhüüse'n bi Krüüz-Maier. De Front köim nöiger. An'n 15. un 16. weern wi aal ständich in Bunker un köimen blous rut um dat Vei to fouern.  Eine ganze SS-Kompanie haar man tosoom'n toog'n op'n Exoff un in Brink'n.. An'n 17. April  slköich eine Grenoot'n bi us achtern Huus iop'n Littschen Fell in. Wi hebbt noch dat Vei vesorcht un wail min Vadder al krank weer, hedd em us Franzous Jean Lavet dorbi hulp#n. Gegen Klock 8 güng'n wi in us'n Bunker. De stünn bi Kloken-Hollwedel an de Dorfstroot'n 35. . Man kann sek dat nich vostellen, dat dor 35 Minsch'n totool beengt in dissen Bunker sek ophoul'n hebbt. Un natürlich ohne Waschgelegenhait un ohne Toalett'n. Von Klock 10 bet noomdoochs Klock 4 geiv dat starket Grenootfüer von de Tommies. Trummelfüer von Klock 1 bet Klock 4. Dorbi is ouk de Bunker droop'n wurn..35 Lüer von'n Exoff sind in'n Bunker. Un denn noch 4 SS-Jungs, 17 oder 18 Jahr oult, de Franzous Jean Lavet und de Pole de bi Haitmanns is, Franz in den Vorluum un op de Trepp'n. Wo de Noututgang weer, hüll'n sek ouk noch 2 SS-Seldoot'n op.  

 

Gegen haalv fiiv hört de Beschuss op- Man hört blous noch Geweer- und MG-Füer,  de SS-Seldoot'n verloot den Bunker.Nu weer'n in den Bunker blous noch de Exöschen, de Franzous Jean Lavet und de Pole, de bi Haitmanns unnerbroch weer. Jean Lavet in siner Fraid wo frei to ween, stomt op den Tommi lous, de stött em met sin Geweer ober wo tröich. All Kerls möit rut ut den Bunker.  Nu künnt se sein, swat in de lest'n Stünns so aals pesseert is. Aals brennt. Ein Peerd is dout, von eine Grenoot'n droop'n 3 Kai weern verbrennt. Man konn ouk sein, dat'n ganzer Tross leig'n bleeb'n weer. Dat weer aal Peerwoogen, de sofort opseit weern: 1 Verfleegungswoog'n no Coors-Heitmann, 1 Munitionswoog'n no Lübeck in de Schüün'n un noch twei Woog'n mit Uniform'n. De köimen in dat Woog'nschuer bi Tietjen. dat Schuer weer stoon bleeb'n.  

 

De Kerls wert bi Heitmann in den Keller inquatiert, Blous Heini Eickhorst met sin ein Bein kann in'n Bunker bliib'n. . As se ut den Bunker rut köim'n, konn'n se sein, wat aals pessert weer.  Ein Peerd, 3 Kai un 1 Schoop weern dot Doue koom'n. Ein Swin weer wech, dat hedd man noher inne Runkelkuul'n bi Tegeler funn'n. Meerere Hüüser stünn'n in Flamm'n; Huus un Staal von Tietjen, Kalberkamp 64, Huus un Staal von Heusmann, Kalberkamp 65, Huus von Heithoff, Kalberkamp 66 und Staal von Anna Block, Kalberkamp 67. De Hüüser weern afbrennt wail de Tommis met Flammenwerfern von Huus to Huus goon sind un se meint haarn, dat dor noch SS-Lüer in'n weern.

 

Ansonsten oberall Insleech von Grenoot'n, bei Hohner Papi (Hohnhorst) leich de Kompanieführer von de SS-Seldoot'n oone Steeb'l dout in'n Goarn. Em haarn se in'n Kopp schoot'n. Ob de Leutnant  sek sülls umbroch hedd, oder de Tommis em hinricht hebbt, ist nich rutkoom'n. Un nu flöich ouk noch eine Grenoot'n in de Schüün'n von Lübeck, wo de Munitionswoog'n unnerstellt weer. De Explosion weer so grout, dat de Balk'ns bi Borchers op't Dack floog'n sind. De de er Huus verlor'n haarn, sind to de toog'n - wo dat Huus noch stoon bleeb'n weer, De Lebensmiddel de noch dor weern, hebbt wi bi Coors-Heitmann op de Deel loogert. Un dat weer wail jo aal nix to biit'n haarn, nich einfach. Dor weert Minsch'n to Hyänen, säh min Vadder. 

 

In Brink'n köim'n de Tommis nich wiiter. de Hitler Jugend haarn Böim'n doolmookt un twass ober de Stroot'n lech. Dat weer ober fo de Panzer kein grout Hindernis. Un wail dat aal so lang duer, hebbt de Tommis fo schier Ager Brink'n to'n Plünnern freigeeb', Aal Inwohner moss'n rut un se droff'n ers no 3 Dooch wo tröich. Un so hebbt de maist'n ere Backsbeer'n op'n Handwoog'n packt un sind den no Leis, Exoff, Karkwai un Laus'n föiert, wenn se dor Bekannte oder Verwandte haarn. In de neechsten Dooch hebbt de Pol'n, de hier in Brink'n leben moss'n aals plünnert, wat man plünnern konn. Ouk de jung'n Deerns, de viillich 17 oder 18 Joar oult weern moss'n sek gout vestekk'n, denn dor weern de englischen Seldoot''n richtich schaarp op. Un wenn dat denn 'n Problem geiv, hedd man mi to'n Obersett'n to den Kommandör schickt. De haar sine Kommandantur bei Wessling in de langen Reich inricht. Un de Kommandör hedd denn ouk 4 Seldoot'n no Blocks Anno schickt. Dor leich neemlich 'n Offizier, de dör 'n Blindgänger to Doue koom'n weer. 

 

8 Week'n dorno hedd Dirk Fink - de weer Timmermann - de Barack'n von de Flakstellung'n afbout un bi Tiitschen, Heusmann und Heithoff wo opbout. As he dormet ferdich weer, sind wi dor intoog'n. Min Vadder föiert nu ouk wo Melk. Dat Woog'nschuer weer stoon bleeb'n  In disse Tiit hedd man sek gegensiitich hulp'n, ob dat Lübuck weer, oder Tegeler oder Hannouber. Dor wo wi bi Borgers woont haarn, töich nu'n Flüchtling in: Otto Keller. Un wail min Vadder krank wurt, föier Otto den Melkwoog'n. 'Ein SS-Wogen met Klamott'n haar wi in us Woogenschuer afstellt. Dat kreig'n de Tommis ober spitz. Un as se dorbi ouk noch ne swarte Uniform fünn'n dor weer de Bock ober fett. Met Geweer in Anslach stöin'n se in de Döör. Ich hebb wo obersett'n moss. Un wi hebbt oberleevt.

 

 . 

Fortsetzung ist in Arbeit

Heinz Tödtmann