Adele un Dirk

Refr.: Adele,Adele, du kannst mi mool
Nu rutsch mi doch den Puckel dool.

1. Adele und Dirk, de weern mool een Poor.
Se leevten mit Kinner for 70 Johr,
op eenen Buerhoff mit Perd und Koh,
und schleepen to freer op Hoberstroh.

2. Und Dirk, de drunk mool 2 helle Beer.
Adele, de bolkte: „Nu giff dat nix mehr,
dat Beer is to dür!“ Dirk keem nu in Fohrt,
und högte sick een, föhr ehr übern Boort.
Ref.:…..

3. An Sonndag, dor leg Dirk an Werserdieck
und leeste de Zeitung, de Weltpolitik.
Adele, de schimpte: „Wat bist du so fuul!“
Doch Dirk, de griente und weer nu ganz cool.
Refr.:…..

4. No’n Waschen dor fund he keen Handoog so flink.
He grapschte an’t Finser, wat dor so dool hing.
Adele, de bolkte: „Wat bist du for’n Schwien,
een Handoog schast nehmen und nicht de Gordin!“
Refr:…….

5. He foorte de Höhner und ok Pussykatt
ut Goldrandtassen mit Melk ganz satt.
Adele, de bolkte : „Mien schönet Geschirr!“
De Katte verjöch sik, een Scherbengeklirrrr.
Ref.:….

6. In Schiethus in Goorn, dor seet he so geern.
He keek dör de Ritzen ganz wiet in de Fern,
bi Vogelgezwitscher und weg von sien Froo.
Doch hört he se krein : „Nu schiet mool gau to!“
Adele, Adele, no loot dat Krein,
du kannst mi mool an Morse klei’n.

Heinz Tödtmann