Ernst Schüttemeyer, 1909 in Lausen geboern, hedd siine lest'n Joarn bit 1989 op'n Exoff wohnt. Ober he vertellt am best', süls:

 

 

 

"In Lausen an de Brake bin ik in dat Huus von mien Grootöllern in'n Juni 1909 op de Welt komen. An'n Swarden Weg in Karkweyh harrn mien Öllern en Huus kofft. Mien Vadder weer dor bi de Isenbohn. In mien Öllernhuus worr hochdüütsch snackt, ober mit de Nohberskinner heff ik mi op Platt ünnerholen.

 

Bit ik föfftein weer, bin ik no de Realschool in Bremen gohn. Ik heel ober mehr von't Handwark, un so heff ik de Timmeree in't Weyher Dörp lehrt. Mien Lehrmeester, sien Familie un all de Gesellen snacken Platt. Use meiste Arbeit weer op'n Lann, un dor keem ik beter trecht, wenn ik ok platt snacken dee. Dör mien Beruf bin ik wiet rümkomen, un ik heff veel Minschen kennenlehrt.

 

Twee Johr weer ik Soldot un in de Gefangenschaft. In Holland un ok achtern Stacheldroht bi'n Ami - mien levet Plattdüütsch konn ik allerwegens bruken.

 

No'n Krieg heff ik bi mien ole Boofirma wodder as Polier anfungen. As ik 36 Johr in de Firma un föfftig Johr bi'n Boo ween weer, bin ik 1973 in Rente gohn. Nu heff ik Tiet, dat optoschrieven, wat ik in all de Johrn beleevt heff, un mi mookt dat ok Spooß, mien Geschichten vörtolesen."

 

Ernst Schüttemeyer

 

 

 

Lebe Leser!

 

"Bin keen Schriftsteller wi "Schmidt-Barien" und wi se all heet, dorum nehmt mine Schriebere grammatisch nich so genau. Sind wohre Geschichten und op Karkweyher Platt.

 

Manche von düssen Geschichten sind woll recht deftig, kommt sonst nich so to Geltung. Dat gift noch reel deftigere Soken, wenn ek de all to Papier bringen woll, se wörn de männlichen Ogen vielich nich beschämen, ober ek nehm Rücksicht op Leserinnen, de min Bok lesen dot. Am Enn säh'n se noch, "dat gehört nich to Schrieben." Ober man to "Du kennst mi jo."

 

Bitte weerst so got und schon min Bok."

 

Ernst Schüttemeyer

Heinz Tödtmann