Reck mi diene Hand

Refr.: Wo schall ik hen, wo draff ik leben.
Keen een will mi hebben, keen een mi wat geben.
Ik heff Angst und Hunger. Reck mi diene Hand.

1. Wie sühst du ut, diene Huut so schwatt.
Runzeln im Gesicht, Näse ganz schön platt.
Hoore schwatt und schetterig, Punen an’ne Back.
Oogen rot und bange und mit Troonen natt.

2. Wat hest du an. Lumpen hangt di dool.
Um den Hals een Strick, fiefmool wie een School.
Um den Buck een Lappen, klebrig und vull Schmeer.
Um de wunden Fööt eene Isenkeer.

3. Wo kummst du her. Schönet Land am Meer.
Dor is Mord und Doodschlag, schooten mit Gewehr.
Folter, Hunger, Elend mookt de Radikoolen.
Is de reinste Hölle, Minschen blarrt for Quolen.

4. Wat wullt du hier? Kann ik mi nu denken:
Ok in Freeden leben, und di Freude schenken.
Gloobe, Hoopen, Leevde, so steiht it an Heben.
So wullt du ok leben, so will ik ok leben.

Heinz Tödtmann