Refr.: Oh jeminee, oh jeminee,
dat lebe Veeh hett BSE!
Nu eet man to und drinkt man to,
denn starben mööt ji sowieso!

1. Ik segge di, wat ik all rüke.
Wi hebbt all woor ne nee’e Süüke.
De Beester hett dat nu bedroopen,
se loopt so dösig wie besoopen.

2. De Tommy weer’t, dat schüllt ji weeten,
hett us mit BSE bescheeten,
denn ehre Beester mossen freeten,
wat andre in den Affall schmeeten.

3. Nu kriegt de Minsch it ok in Koope,
wenn he nu itt de Rindersoppe.
Sein Breegen ward nu jümmer weeker,
von all de grooten Keeselöker.

4. Wat schüllt wi doon, wi armen Sünner?
Wat schüllt wi doon for use Kinner?
Ik segg:” Nicht eeten kranke Rinder,
dat doot all lang de schlauen Inder!“

5. Nu eet wie Vogels und Gemüse,
und Hau und Stroh as nee’e Spiese.
Wie is dat allns bloß verdreiht,
bold is dat so, dat nix mehr geiht!