N'beet'n wat vowech

Stell di mool vo, doa kummt ein tou di to Besöik un sech: "Moinmoin!" Aallns kloa denks du, de kummt ut Ossfriisland. Un denn sech hei: " Ik gloobe, mir hamse ebn über de Tonne jebügelt!" Jetz denks du, is dei Keerl bekloppt? Un wenn hei denn wechgait und sech: "Grüß Gott mittenand!" Denn gaits du inne neechste Wirtschaff un knalls di ein'n. Ober wees mo eehrlich, wat kann de Keerl dorvo, dat sei em nich vertellt hebbt dat de drei Sätze allein drei verschiid'ne Dialekte sind. Un mit Sicherhait is dat bestimmt ouk'n gans onnig'n Keerl. Deshalb will ek n'beet'n mithelp'n, dat dei plattdüütsch'n Dialekte nich tou staak dörnanner röert weert un us eig'n Dialekt nich gans unnergait. Manchmool hett man ouk den Indruck, dat manche Wöie up platt n'beet'n henschoustert weert, kann ober ouk ween, dat deijenige woanners herkoom'n dait un he dei Wöie anners kennt. Wenn du doran Intresse hess, go mool up disse Siit.

 

Miin Address in'n Internet mutt eig'ntlich Platt op'n Exoff heit'n. Blous wer well mi dormit finn'n? Un worum Exoff oberhaupt, dor wohnt doch blous'n poar Lüe, dei worschiinlich wi ek den Wech no buud'n nich funn'n hebbt. 1928 noch ne eig'nstännige Gemein hört vondooch to Wai. Ober jüss wail Exoff sou littschert is un genau twisch'n Stue un Wai, un twisch'n Siik un Brem'n lich, is dat genau dat richtige "gallische" Dorp un dormit künnt dei grout'n Gemein Stue un Wai un wi sei aal heit'n dout, glöiv ek, gout mit leeb'n. Wenn du di jetz wunners, dat ek dat hiisige Platt n'beet'n anners schriib'n dou as du dat wennt bis, denn kiik di mool disse Siit an. Veel Spooß up disse Websiite, wi dat vondooch eeb'n so neimoodsch heit'n dait.

Heinz Tödtmann