De Lebenskünstler

1. Ik mook mi keene Sorgen.
So wook ik op an Morgen,
wenn miene Nacht vorher
vergnögt und lustig weer.
De Freeheit in mien Alldag,
de Freeheit in mien Alldag
gefallt mi allerbest.
Lot andere man de Arbeit.
Ik do, wat mi good deiht,
ik do, wat mi so freut.

2. Hör ik dat Landvolk singen,
se danzen, lachen, springen,
sing ik dor lustig mit
een Dididkoktor Hit.
De dralle Deern Hermine
is disse Nacht nu miene
bi Curry-Wuss und Win.
In hellen Moondenschien
leegt wi in Hau vergnögt
und sik Geföhle rögt.

3. So is mien Lebenskunst,
keen Arger und keen Afgunst.
Mook Spooß und Schierschandudel
und veele Deerns knudel
For jede Bloom, de bleuht,
mien Harrt sik düchtig freut.
So leev ik all de Dooge.
Heff keene Angst und Sorge,
geneet dat schöne Leben,
denn wi leevt bloß eenmool!

Heinz Tödtmann